- 712 -

1447. Mai 27.

Vnsern fruntlichen dinst zuuore. Erbern weysen gute gonner lieben frunde. So euch wol wissentlich ist, wie ir die Swidnitczer vnde wir vns mittenandir vortragen vnde geeynet haben, also von der furlewte wegen, die bey vns wonen, von den wir alle gemeynlich gedrungen werden mit deme das sie in den wychpilden vff die dörffer mit dem saltcze faren vnde vorkewfen, dor vff wir mittenander beslossen haben, das selbige itczliche stad von den eren nicht zu leyden, tu wir euch wissen, das Jorge Krebil der Ewer vns zere drangt vnde zu Moys zwene wagen noch enander vorkauft hate, bete wir fruntlich, so wir es denne mittenandir vorlossen haben, also ir wol wisset, dem selbin eyn volfolgen zu thuen, wenne wir itczt von nymands so sere gedrangt werden, also von den ewern, das wol wir gerne vorschulden. Gegeben am sonnobende dem pfingestobende vnder der stat Stregen ingesegil, des wir vff dieszmol mittenander gebrochen, anno XLVII°.
Rathmanne der Stregen vnd Jawor itcyt beyenander.

Mit Rückaufschrift an den liegnitzer Rath.

Orig. Kgl. Bibl. z. Berl Ms. Boruss. f. 568. No. 183.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866